مالك ياراسي
ياهاد الراس القاسح
حتى مشالي نعاسي
وسهرتيني البارح
مزال راني نقاسي
مزال عقلي سارح
دقت الوقت القاسي
وعشت لعمر القاسح
رضّيت الحر فضراسي
وبين لحزان ملاوح
...
دور ياراسي على راسك
وشوف النهار ظلام
غلاش لي طار نعاسك
ومانفعشي لكلام
اليوم خلاّوك ناسك
دجليتي وسط زحام
بغاو يهدمولك ساسك
بغاو يزيدو لخصام
بغاو يضربوك بفاسك
بغاو يقصرو لعموام
ياك شربو من كاسك
زعمَ وشركتو ليدام
علاش يتسنّاو نعاسك
باش يحرقو لعظام
...
الله كبير ياراسي
ياك هم الدنيا يفوت
متبقاش غافل أُ ناسي
يمكن يجرُوك لخّوت
مزال صابر ونقاسي
ولخاوَ حدها الموت
قالك الخير يبلاصي
قالك الشر يفوت
راني باغيها بقياسي
أنا باغيها بلا غوت
وطالب لهيه خلاصي
شايف لبعد الموت.
ياهاد الراس القاسح
حتى مشالي نعاسي
وسهرتيني البارح
مزال راني نقاسي
مزال عقلي سارح
دقت الوقت القاسي
وعشت لعمر القاسح
رضّيت الحر فضراسي
وبين لحزان ملاوح
...
دور ياراسي على راسك
وشوف النهار ظلام
غلاش لي طار نعاسك
ومانفعشي لكلام
اليوم خلاّوك ناسك
دجليتي وسط زحام
بغاو يهدمولك ساسك
بغاو يزيدو لخصام
بغاو يضربوك بفاسك
بغاو يقصرو لعموام
ياك شربو من كاسك
زعمَ وشركتو ليدام
علاش يتسنّاو نعاسك
باش يحرقو لعظام
...
الله كبير ياراسي
ياك هم الدنيا يفوت
متبقاش غافل أُ ناسي
يمكن يجرُوك لخّوت
مزال صابر ونقاسي
ولخاوَ حدها الموت
قالك الخير يبلاصي
قالك الشر يفوت
راني باغيها بقياسي
أنا باغيها بلا غوت
وطالب لهيه خلاصي
شايف لبعد الموت.