نادية
كانت نادية طفلة صغيرة
تلعب وتجوب لبحيرة
جات سحابة كحلة
اخداتها فرحلة
تبعتها لطيار
حاملة ورود وأزهار
جالت لطيار كل قرية ومدينة
تسول ناسها على نادية لحنينة
ناس مالية حقد وضغينة
تزرع الشوك فترابها
لبوغطاط أسيرة فحلامها
رسات لطيار ف أرض قاحلة
دوات الازهار من صهد الريح
تطلب رجوع نادية
وتقول يا ويح
ياويح من كان صبيح
بدلاتو ليام ولى شحيح
ياويح من نكر احبابو
تمدات ليه ايدي الخير
وسد عليها بابو
يتفكر ملي كان صغير
يتفكر لبحيرة
تحت ظل الشجيرة
أشوف لحالتك يا دعيرة
راك ما بقيت صغير
لاتطرب ودانك بالشخير
سول نادية
تحكي لك قصة فاروق وشادية
نهار كانت بجنب الواد غادية
نهار سمعت السحابة
توعد الناس بوعود كدابة
رجعو نادية لبحيرة
يشوفوها الناس وعقولهم ف حيرة
يتساءلو على سر الظفيرة
رجعو نادية
يعمارو الوديان
يعم الامان
وتكون بحيرة فكل مكان
ماتبقى الارض قاحلة
وبرجوع نادية
كانت نادية طفلة صغيرة
تلعب وتجوب لبحيرة
جات سحابة كحلة
اخداتها فرحلة
تبعتها لطيار
حاملة ورود وأزهار
جالت لطيار كل قرية ومدينة
تسول ناسها على نادية لحنينة
ناس مالية حقد وضغينة
تزرع الشوك فترابها
لبوغطاط أسيرة فحلامها
رسات لطيار ف أرض قاحلة
دوات الازهار من صهد الريح
تطلب رجوع نادية
وتقول يا ويح
ياويح من كان صبيح
بدلاتو ليام ولى شحيح
ياويح من نكر احبابو
تمدات ليه ايدي الخير
وسد عليها بابو
يتفكر ملي كان صغير
يتفكر لبحيرة
تحت ظل الشجيرة
أشوف لحالتك يا دعيرة
راك ما بقيت صغير
لاتطرب ودانك بالشخير
سول نادية
تحكي لك قصة فاروق وشادية
نهار كانت بجنب الواد غادية
نهار سمعت السحابة
توعد الناس بوعود كدابة
رجعو نادية لبحيرة
يشوفوها الناس وعقولهم ف حيرة
يتساءلو على سر الظفيرة
رجعو نادية
يعمارو الوديان
يعم الامان
وتكون بحيرة فكل مكان
ماتبقى الارض قاحلة
وبرجوع نادية
