1
خِيرْ وَ سْلاَمْ مْنَامَة أُ فِيهَا شَلاَّ كْلاَمْ مَسْتِي أُ مْسَتَّفْ تَسْتَافْ
وَشْكُونْ لْلِّي بْغَى يَرْوَى أُ يَنْزَلْ لْعَيْنْ الْمَعْنَى
رَامَتْ الْهَضْرَة لْلِّيمِينْ أُ خَلاَّتْ السْوَاقْ بَالزْوَاقْ تْلاَلِي
أُ جَا الْقَوَّالْ أُ وَثَّقْ لَزْمَانْ عْلِيلْ مْسَالِي
صَاغْ الْحَرْفْ أُ نَجْ الْمَعْنَى
دْلَى بِقْوَالُو أٌ هَا اقْوَالِي:
يَا للِّي لَمْتِي فَالشْقَا قَلَّتْ صَبْرِي أُقْصَرْ حْبَالِي
أَنَا مَا زَنَّدْ نَارْ دْخَالِي أُ زَهَّرْ مْجَامَرْ حَالِي
غِيرْ ذَلْ الْكَلْمَة أُشْنِيقْ الْمَعْنَى
أُسَرِقت دْرَابَلْ الْبُوهَالِي...
----------------------------------------
2
ياوْليدي أُ يا خويا
يا بويا أُ ياحْبيبي أُ يامُولايْ..
حَلْ عَيْنيكْ أُ هَزْ راسَكْ
مَدْ دَلْقومَكْ، شَمْ ريحَتْ شْياطْ
الكَبْدة قَايْدَة تْكابَدْ حَرْ الضَّرْباتْ الصَّابَّة عْلى ظْهَرْ هَيْضورَة
صُوفْها كَلْكَمْ عَرَّامْ هَمْ مْزَرَّدْ أُ مَنْسوفْ فْطْبَقْ لَيَّامْ الْحَارَّة
لَيَّامْ الصَّارَّة ضُرْ ماكَايَنْ دْوَاهْ عنْدْ حجّامْ وَلا عَشَّابْ
----------------------------------------
3
القْلَمْ ضَامَرْ وَبْيَاضْ الْوَرْقَة صْفِيحَة
مَا وَفَّى مَا لَحَّقْ الخَلْفَة
مَا نَقَّطْ بَبْيَاضْ صِينِيَّتْ الْعَزْبَا
وَخَّا طَاحْ الرِّيَالْ وَتْلَمُّو عْليِهْ ...
--------------------------------------
4
قَدَّرْ وَاشْ تَقَدْ، تْسَلْ القَلْبْ مَنْ جْوَاهْ أُ تْرَارِي بِيهْ...؟
وَاشْ تَقَدْ، تْهَدْ سُورْ مَعْلاهْ أُ تَزْطَمْ عْلِيهْ
قَدَّرْ وَاشْ تَقَدْ، تْقَوَّرْ طُوقْ المَعْنى
تْكَرَّجْ جْلالْ الكَلْمَة أُ تَّقَّفْ سْبيبْ الحَكْمَة
فُوقْ مْرمَّتْ المْعَلْمَة
بْلا سَلَّة بْلا شْيَاطْ...؟
قَدَّرْ واشْ تْقَدْ
أُ تْقَدْ حتَّى تْقَدْ
أُ تَّعْقَدْ عَنْدْ بَرَّاحْ
بَمْرَارْية مْرَاَرْ
ما تْسَكَّتْ صَبِيْ
مَا تْفاجِي ضْرَارْ
-----------------------------------------------
4
سْبَتْنا سْباتْ أُحينْ تْوكَّضْنا لْقِيْنَها تَحْتْ قْدَامْنا غْلاتْ
غِيرْ الذَّاتْ الِّلي فُوقْها بَخْساتْ
رْقَدْنا فْكَفْ "عَمِّي لْغولْ وحْجَرْ مامَّاغولة
شْبَرْ شْبَرْناهْ أُ مَا فَتْنَاهْ حِينْ زْكَاتْ لَمِّيمَة لَواهْ أُ عَفَاكْ
صْغَى لَضْرِيرْ أُ مُولاهْ
أُ يومْ راحْ بَرْواحْنا لْطَرَّاحْ
وْقَفْنا بلا رْواحْ غِيرْ القَلْبْ الِّلي فاضْ بَجْرَاح....
خِيرْ وَ سْلاَمْ مْنَامَة أُ فِيهَا شَلاَّ كْلاَمْ مَسْتِي أُ مْسَتَّفْ تَسْتَافْ
وَشْكُونْ لْلِّي بْغَى يَرْوَى أُ يَنْزَلْ لْعَيْنْ الْمَعْنَى
رَامَتْ الْهَضْرَة لْلِّيمِينْ أُ خَلاَّتْ السْوَاقْ بَالزْوَاقْ تْلاَلِي
أُ جَا الْقَوَّالْ أُ وَثَّقْ لَزْمَانْ عْلِيلْ مْسَالِي
صَاغْ الْحَرْفْ أُ نَجْ الْمَعْنَى
دْلَى بِقْوَالُو أٌ هَا اقْوَالِي:
يَا للِّي لَمْتِي فَالشْقَا قَلَّتْ صَبْرِي أُقْصَرْ حْبَالِي
أَنَا مَا زَنَّدْ نَارْ دْخَالِي أُ زَهَّرْ مْجَامَرْ حَالِي
غِيرْ ذَلْ الْكَلْمَة أُشْنِيقْ الْمَعْنَى
أُسَرِقت دْرَابَلْ الْبُوهَالِي...
----------------------------------------
2
ياوْليدي أُ يا خويا
يا بويا أُ ياحْبيبي أُ يامُولايْ..
حَلْ عَيْنيكْ أُ هَزْ راسَكْ
مَدْ دَلْقومَكْ، شَمْ ريحَتْ شْياطْ
الكَبْدة قَايْدَة تْكابَدْ حَرْ الضَّرْباتْ الصَّابَّة عْلى ظْهَرْ هَيْضورَة
صُوفْها كَلْكَمْ عَرَّامْ هَمْ مْزَرَّدْ أُ مَنْسوفْ فْطْبَقْ لَيَّامْ الْحَارَّة
لَيَّامْ الصَّارَّة ضُرْ ماكَايَنْ دْوَاهْ عنْدْ حجّامْ وَلا عَشَّابْ
----------------------------------------
3
القْلَمْ ضَامَرْ وَبْيَاضْ الْوَرْقَة صْفِيحَة
مَا وَفَّى مَا لَحَّقْ الخَلْفَة
مَا نَقَّطْ بَبْيَاضْ صِينِيَّتْ الْعَزْبَا
وَخَّا طَاحْ الرِّيَالْ وَتْلَمُّو عْليِهْ ...
--------------------------------------
4
قَدَّرْ وَاشْ تَقَدْ، تْسَلْ القَلْبْ مَنْ جْوَاهْ أُ تْرَارِي بِيهْ...؟
وَاشْ تَقَدْ، تْهَدْ سُورْ مَعْلاهْ أُ تَزْطَمْ عْلِيهْ
قَدَّرْ وَاشْ تَقَدْ، تْقَوَّرْ طُوقْ المَعْنى
تْكَرَّجْ جْلالْ الكَلْمَة أُ تَّقَّفْ سْبيبْ الحَكْمَة
فُوقْ مْرمَّتْ المْعَلْمَة
بْلا سَلَّة بْلا شْيَاطْ...؟
قَدَّرْ واشْ تْقَدْ
أُ تْقَدْ حتَّى تْقَدْ
أُ تَّعْقَدْ عَنْدْ بَرَّاحْ
بَمْرَارْية مْرَاَرْ
ما تْسَكَّتْ صَبِيْ
مَا تْفاجِي ضْرَارْ
-----------------------------------------------
4
سْبَتْنا سْباتْ أُحينْ تْوكَّضْنا لْقِيْنَها تَحْتْ قْدَامْنا غْلاتْ
غِيرْ الذَّاتْ الِّلي فُوقْها بَخْساتْ
رْقَدْنا فْكَفْ "عَمِّي لْغولْ وحْجَرْ مامَّاغولة
شْبَرْ شْبَرْناهْ أُ مَا فَتْنَاهْ حِينْ زْكَاتْ لَمِّيمَة لَواهْ أُ عَفَاكْ
صْغَى لَضْرِيرْ أُ مُولاهْ
أُ يومْ راحْ بَرْواحْنا لْطَرَّاحْ
وْقَفْنا بلا رْواحْ غِيرْ القَلْبْ الِّلي فاضْ بَجْرَاح....
عدل سابقا من قبل ليلى ناسيمي في الثلاثاء 3 أغسطس - 12:53 عدل 4 مرات