ملحــفــه
إلى الشاعرة ليلى ناسيمي قلب بحجم الوطن
إلى الشاعرة ليلى ناسيمي قلب بحجم الوطن
ها نا ليك ملحفه
مطروزه بالعهد ولوفا
نحميك من برد
الخارجين ف العشويه
الطامعين
الشامتين
لمولفين الخطفه
نزرب على قلبك لكبير
من الرجفه
و بهوت النخاس
ها قلبي هديته ليك
شربيل فاسي
قطنته بالمحبه
باش ما يجيك قاسي
ملي توطاي
بطاي
تقلي ف الخلفه
من شوف الحقره
من شوك العتره
خايف عليك من لحفا
وكلام الناس
والبيضا
اللي كانت بيضه
غطيناها ب ريش
لمحبه تدفا
فاضت على عشنا
والريح غشنا
وفسد قلبها قبل التفقاس
وفريخ لوفا
قبل ما يكمل تقاس
لبست لبحر
ميني جيب
دارت النجوم طانكه
طلقت سيقانها لعين الدياب
عرات صدرها لعين السبع
لاحت عقلها ف برشيد
فتحت قلبها مارشي نوار
وشي وشام تحت السره
عند الشوفه يمساس
الحي اللي نداني
من كاس غيوانه سقاني
يا حسره
بعد سفر طويل
لقيته نصراني
سهره وحده
سكره وحده
بحموم قطرانه طلاني
عسل بلادي من لعشوب نعرفه
والرزوزي من الطله
عرفته عدواني بلا قياس
يا ليلى
نجيك ف العشويه
الدموع شموع ف عيني
يا ليلى
واش قيس على هاد لوجع براني
واش لقبيله هبيله
ضد في وبلا عدول
تسلم كبادها لسبنيول
ملي شافت دمي القحواني
لدمك وناس
ها نا قدامك
شوفي ف عيوني
تهجايني قرايني
تلقاي لمحبه عنواني
والطمع الطاعون
عمره ما غواني
ولا في دار الوسواس
يا ليلى
جمر الصبر عياني
وحريق الطريق
طويته وطواني
جر قلبي للكانون
ف عافية النكران
لاحني بالعاني
وبقى عساس
ها خاطري
على قد ما فيك
من جبال وشطيان وسعته
على قد ما فيك
من فرحه وحزان رصعته
ندبب الوقت نلقم الوقفه
ندير لامي عكاز
وعشقي ليك منغاز
وف العين شوفة الباز
نجيك بالعلالي
ماشي ف خفا
واخه يمنعوني بالقرطاص
تنعس الطريق في وتفيق
تلقاني
شاد ف كلمتي
لا نولي دري بين رفاقي
من جرسيف
ولقصيده في تقاقي
تسهرني تصهرني
تحرم علي النعاس
طامعه يطول فياقي
حتى نحط على الشط
وملي فقات لقريحه
القابله غدرت
ف الزحمه ما حضرت
و ف الخرجه تهرس الكاس
بودني سمعتهم يقولو
نزلوها تحت لتحت
كولو مينه يا قلوب التخت
فرسوها بلنياب ولضراس
صبو على عظامها الما القاطع
هزو ف لفلوكه بوعلام
وحرقو ل لاس با لماس
شعل في فنار الغيره
وبان لي علال بن عبدالله
هاجم على بن عرفه
واخه الجيش عليه عساس
من دمه تسقات وراقي
من لهيب الهيبه
زند جمر حماقي
والخطابي الخطابي
باقي كيحفرقبره
من غصه ف عماقي
وما العينين
على خدي يجري سواقي
وحمو الزياني
عنقني وطول ف تعناقي
واحمد احنصال
ديما ف البال
موقد شواقي
يلمعها كيف الماس
هادو هما جدودي
هادو هما شهودي
ما نفوتهم
واخه بقطيع الراس
ف محبتك يا بلادي
انا ماشي قيس
انا المجنون الى تقاس
حفيظ المـ توني
مطروزه بالعهد ولوفا
نحميك من برد
الخارجين ف العشويه
الطامعين
الشامتين
لمولفين الخطفه
نزرب على قلبك لكبير
من الرجفه
و بهوت النخاس
ها قلبي هديته ليك
شربيل فاسي
قطنته بالمحبه
باش ما يجيك قاسي
ملي توطاي
بطاي
تقلي ف الخلفه
من شوف الحقره
من شوك العتره
خايف عليك من لحفا
وكلام الناس
والبيضا
اللي كانت بيضه
غطيناها ب ريش
لمحبه تدفا
فاضت على عشنا
والريح غشنا
وفسد قلبها قبل التفقاس
وفريخ لوفا
قبل ما يكمل تقاس
لبست لبحر
ميني جيب
دارت النجوم طانكه
طلقت سيقانها لعين الدياب
عرات صدرها لعين السبع
لاحت عقلها ف برشيد
فتحت قلبها مارشي نوار
وشي وشام تحت السره
عند الشوفه يمساس
الحي اللي نداني
من كاس غيوانه سقاني
يا حسره
بعد سفر طويل
لقيته نصراني
سهره وحده
سكره وحده
بحموم قطرانه طلاني
عسل بلادي من لعشوب نعرفه
والرزوزي من الطله
عرفته عدواني بلا قياس
يا ليلى
نجيك ف العشويه
الدموع شموع ف عيني
يا ليلى
واش قيس على هاد لوجع براني
واش لقبيله هبيله
ضد في وبلا عدول
تسلم كبادها لسبنيول
ملي شافت دمي القحواني
لدمك وناس
ها نا قدامك
شوفي ف عيوني
تهجايني قرايني
تلقاي لمحبه عنواني
والطمع الطاعون
عمره ما غواني
ولا في دار الوسواس
يا ليلى
جمر الصبر عياني
وحريق الطريق
طويته وطواني
جر قلبي للكانون
ف عافية النكران
لاحني بالعاني
وبقى عساس
ها خاطري
على قد ما فيك
من جبال وشطيان وسعته
على قد ما فيك
من فرحه وحزان رصعته
ندبب الوقت نلقم الوقفه
ندير لامي عكاز
وعشقي ليك منغاز
وف العين شوفة الباز
نجيك بالعلالي
ماشي ف خفا
واخه يمنعوني بالقرطاص
تنعس الطريق في وتفيق
تلقاني
شاد ف كلمتي
لا نولي دري بين رفاقي
من جرسيف
ولقصيده في تقاقي
تسهرني تصهرني
تحرم علي النعاس
طامعه يطول فياقي
حتى نحط على الشط
وملي فقات لقريحه
القابله غدرت
ف الزحمه ما حضرت
و ف الخرجه تهرس الكاس
بودني سمعتهم يقولو
نزلوها تحت لتحت
كولو مينه يا قلوب التخت
فرسوها بلنياب ولضراس
صبو على عظامها الما القاطع
هزو ف لفلوكه بوعلام
وحرقو ل لاس با لماس
شعل في فنار الغيره
وبان لي علال بن عبدالله
هاجم على بن عرفه
واخه الجيش عليه عساس
من دمه تسقات وراقي
من لهيب الهيبه
زند جمر حماقي
والخطابي الخطابي
باقي كيحفرقبره
من غصه ف عماقي
وما العينين
على خدي يجري سواقي
وحمو الزياني
عنقني وطول ف تعناقي
واحمد احنصال
ديما ف البال
موقد شواقي
يلمعها كيف الماس
هادو هما جدودي
هادو هما شهودي
ما نفوتهم
واخه بقطيع الراس
ف محبتك يا بلادي
انا ماشي قيس
انا المجنون الى تقاس
حفيظ المـ توني