لله ياحْروفِي لله
نگول معديَة
ونتي غير معديَة
معديَة بيَّ
حتَّى يطيبْ نعاسكْ..
معديَة بيَّ
حتَّى يحضرو ناسْكْ..
لله يا حْروفِي لله
مرّة تقطعِي لغاكْ وتحْبسِي..
مرّة تبانِي ف دخّان السّْبسِي..
مرَّة نحوزكْ
نرزمْك ترزامْ...
مرَّة تحلِّي
ل غيري لحزامْ...
وعْلاهْ يا حرُوفِي وعْلاهْ
لله يا حروفي لله
واحْق من لاگانَا..
حْق اللِّي دخّلنِي ل فْراشك
وجابنِِي لِيكْ ف الگانَة..
واحْق زغْب سالفك
ف كفِّي منتُورْ..
إلا الرّْبطة فِيكْ
كانت زغبيَّة
قبل مَا يولِّيوْ الزجَّالَة دجَّالَة
تتفْرتك اللمَّة
وِيبَان المْستُورْ..