الدّار البيضا
إلى كريمة بنعثمان زوجة،صديقة ورفيقة درب
ـ1ـ
هنا طاح الگلب
صابْ غطاه
ف مُوسم ” لكتابْ“..
تقدّر وكتابْ..
جات كفِّي ف كف الكَافْ٭
ف ذاك الكافْ
ف ”سيدْ البرنوصي“
ـ2ـ
الرّابح م الكلمة
والخاسر م الكلمة
والكلمة طويّر عشو عالي
فوگ دارنا البيضا حرم يحومْ...
المندبة كبيرة
والميتة حلمة
تگاد عمرها وعمر المرحومْ٭...
سلا
صباح الخير يا بيبانْ شَالَّة
شفتك منْ بكري حالَّة
وگالسة ف راسْ الدّربْ
الرباط
لا حطْبْ...لا حْطَّابَة
وكيفَاش يْدفَى هَادْ الگلبْ؟
مرَّاكش
الذات للذات ترُومْ..
ب مسك وجاوِي
الزِّيغة من بلاد الرُّوم..
والحال بهجاوِي
سعدي
فرحي
ب ارض الرجال السبعَة
والخير لكتيـــــرْ..
حْلات السَّالف
ولگات البرَّاني
ب قرقابة وسنتيرْ..
فاس
هزِّي گدمْ
حطي گدمْ
وعطِي درُوبك للتغرازْ..
ويلا شعلات نِيران الظلمَة
يطلع دخَّانها ف ”ظهر المهرازْ“..
أكادير
نسُوس گدامي
من تراب وغبرة
وبنص قْراية نشدّ الميلْ..
جوع وحگرة،وقهوة كحلَة
حالفة تحلَى
حتَّى لنص اللِّيلْ..
العيون
إلى كل شهداء هذا الوطن
العيُون عينيّ
وبيها نشُوفْ
نشُوفْ خِير لبْلاد يتْسگّى
ب جُوج مغَارفْ
واحْد للرَّاشِي
واحْد للغَاشِي
٭٭٭٭٭
والوَاد وادي..والسَّاقيَةْْ..
غِير غْدّة ف الگلبْ باقيَة..
عْلى دمْ غزيرْ تهاطْلْ...
عْلَى روَاحْ ضاعْتْ بْ البَاطْلْ.
٭ الكهف الشعري
٭المسرح البلدي
إلى كريمة بنعثمان زوجة،صديقة ورفيقة درب
ـ1ـ
هنا طاح الگلب
صابْ غطاه
ف مُوسم ” لكتابْ“..
تقدّر وكتابْ..
جات كفِّي ف كف الكَافْ٭
ف ذاك الكافْ
ف ”سيدْ البرنوصي“
ـ2ـ
الرّابح م الكلمة
والخاسر م الكلمة
والكلمة طويّر عشو عالي
فوگ دارنا البيضا حرم يحومْ...
المندبة كبيرة
والميتة حلمة
تگاد عمرها وعمر المرحومْ٭...
سلا
صباح الخير يا بيبانْ شَالَّة
شفتك منْ بكري حالَّة
وگالسة ف راسْ الدّربْ
الرباط
لا حطْبْ...لا حْطَّابَة
وكيفَاش يْدفَى هَادْ الگلبْ؟
مرَّاكش
الذات للذات ترُومْ..
ب مسك وجاوِي
الزِّيغة من بلاد الرُّوم..
والحال بهجاوِي
سعدي
فرحي
ب ارض الرجال السبعَة
والخير لكتيـــــرْ..
حْلات السَّالف
ولگات البرَّاني
ب قرقابة وسنتيرْ..
فاس
هزِّي گدمْ
حطي گدمْ
وعطِي درُوبك للتغرازْ..
ويلا شعلات نِيران الظلمَة
يطلع دخَّانها ف ”ظهر المهرازْ“..
أكادير
نسُوس گدامي
من تراب وغبرة
وبنص قْراية نشدّ الميلْ..
جوع وحگرة،وقهوة كحلَة
حالفة تحلَى
حتَّى لنص اللِّيلْ..
العيون
إلى كل شهداء هذا الوطن
العيُون عينيّ
وبيها نشُوفْ
نشُوفْ خِير لبْلاد يتْسگّى
ب جُوج مغَارفْ
واحْد للرَّاشِي
واحْد للغَاشِي
٭٭٭٭٭
والوَاد وادي..والسَّاقيَةْْ..
غِير غْدّة ف الگلبْ باقيَة..
عْلى دمْ غزيرْ تهاطْلْ...
عْلَى روَاحْ ضاعْتْ بْ البَاطْلْ.
٭ الكهف الشعري
٭المسرح البلدي